（photo via cc Flickr user Blowing Puffer Fish）

茫茫人海，戀愛中既情侶有好多。但點解有D情侶既熱戀期可以係好短，有D可以好長，長到甚至乎係一世？熱戀期一旦過左，就唔會好似以前咁好關心對方，約會既次數亦都可能會少左，爭執亦都會多左。究竟點先可以令彼此之間既感情升溫，令感情長久咁保鮮？

1. 一定要有兩個人獨處既時間

熱戀緊既話，就緊係會成日掛住對方，想成日都見倒，痴住對方嫁啦。 所以，唔理你幾忙都好，一定要抽時間出黎見面，最好就一星期1-2次，唔好多多藉口，因為我相信有心既話時間一定點都可以抽倒出黎的，只係差在你肯唔肯為對方犧牲自己僅有餘下既空閒時間。

2. 多注意、關心對方既一切

拍拖拍耐左，好自然可能會少左關心對方，無好似以前咁關心佢既一切。但千萬唔好咁做，相反，應該要以一開始岩岩拍拖，好緊張對方既心態去繼續同對方一齊。要學識捕捉佢一切既細微變化，要做到佢郁一郁條眉你都會知佢諗緊咩。佢有咩事想同你分享既時侯，唔好嫌煩，專心聽書，要知道對方覺得佢有你喺度可以第一時間同你分享一切係一件好開心既事黎。

3. 製造小驚喜

一齊耐左，可能會覺得無左以前嗰份新鮮感。所以，適當既時侯製造一下小驚喜係需要的。平時，不妨花心機多D留意下佢，睇下佢有無提過D咩係好想要的或者係好鍾意的，然後你就好驚喜咁送比佢。當然，驚喜唔一定係要送野既。平時日常生活，可能一個突如其來既接放工都可以令對方好sweet好開心（假如你同佢番工既地點係距離好遠時，你去接佢收工，效果會更佳，因為可顯得出你既誠意^^）。又或者係突如其來既一餐請食好西都已經可以係好好既驚喜了（對D豬仔黎講）。

4. 多D向對方表達情意

拍拖拍耐左，可能就會少左講肉麻野黎傳情，因為可能覺得講黎講去都係咁無乜特別。但其實，講肉麻野係唔可以慳嫁。多D同對方講，最好就越肉麻越纏綿就越好。就算係一D真係肉麻到講唔出口既野，都可以嘗試以send message既方式去傳達。講真，熱戀緊，肉麻野呀情慾野呀甜言蜜語呀，邊個會唔鍾意聽?

5. 回憶過去屬於兩人的回憶

雖然話過去已過去，但兩個人一齊，曾經開心過既回憶係好值得再拎出黎重溫的。除左可以令大家諗番起當時既情況之外，亦都可以將情緒帶番去熱情既嗰個瞬間，令感情升溫，無形中加強左二人既聯繫。

能夠做倒以上既野既情侶，海枯石爛不再是幻想XD

鍾意既請like and follow my FB page^^

謝謝你，今天讓我真的學懂了失去了才懂珍惜
我終於明白了
其實自己極度自私、自戀、自我中心，
以為一些固然的事會是必然
一直不經意…..左耳入永遠右耳出，
怪責自己不是一個好的男朋友，
停留在最淺層的愛。

今月，我又再一次激嬲她
拍拖數月，都不知她忍了我多少次。
一直也沒有關心過你的感受、意願、幸褔

我相信我曾是世間中最幸福的男孩，
因為她處處總是以我行先，她希望我也可以開心，共同一起成長。

走過25 個年頭，感恩這個世上讓我碰上那個她
她曾經包容了我所有缺點
她曾經給了我無數的機會
她曾經任何事把我放在第一位
她曾經為我放棄了身邊的一切
我知道她曾經是十分愛我，
愛我的靈魂，願意取悅我的靈魂。

可是，頑固的我，總是每次事後才明白她對我的好，我知道沒有一個人，更甚沒有一個女孩會對我總是叫我閒錢，叫我不要大洗，因為我實在是一個大花筒，更甚我買禮物給她，她會不愛，因為我忽視了將來，而她的好，可是我卻每一次為了滿足自己我對她卻發了脾氣，其實她只是緊張我。

或者沒有一個女生會是這樣，在我眼中，妳就是全世界最漂亮的，最溫柔的，最細心的，最愛我的，她會在我不開心開解我，和人爭吵時細心勸導我幫我分析，而她每一次心煩我也只不過得過且過……..

我相信任何世界上每一位女生，都喝望自己的男朋友是一個細心，有安全感，

自幼以來，認識我的人，也總是覺得我不學無術，一些不顧及形象的人，但是以來，她一直從沒介意於我，她會幫我set 頭，幫我買衫，為我度身訂造不同的造型，她不是介意我的形象，而是希望我日後可以行出來見人，給人一個好的形象，而不是生厭。

她很緊張我，她真的很緊張我的一舉一動，我病她會嬲我不告訴她，我不開心她會為我不開心，可是她的不開心，我很像從來也活在自己在空間入面。

我深信我的自我中心一日不改，任何人也會討厭我，我錯的總在自私，自我中心，往往不顧及別人的感受，結果一次又一次令你失望。

真正的愛，不是累了就分手，不是不合適就分開，是即使再累也想在一起，即使不合適也想努力爭取，累是因爲在乎。不合適是因爲愛得不夠，真正的愛沒有那麼多藉口。

我一直很想說「全世界你最漂亮」
我一直很想說「今生非你不娶」
我一直很想說「我的命歸你了」
我就是喜歡你的發脾氣，發得愈惡愈好，那個時候就沒有人可以和我爭你了。

可能我開得太多空頭支票講得太多大話…….

但我一直也在婆媽著，
説是很像每一句謊話…….

我真的很希望有一日她會成為我的老婆，
繼續教導我，
我很期待大家都一齊變老，
我祈望自己也有一日，
可以真的把自己的壞習慣戒除。

我知道自己再説什麼，
也沒有用了，
因為我相信你已經對我徹底的失望，
我時常的激嬲你，
但你每一次也會心軟原諒我。

或者我已經再沒資格飾演你的那男孩，
我真的很希望可以和你當天的約定，
給我帶你遠走高飛…..

但…..
我知道我可能不會再有機會。

或者我可能不會愛人，
祈望有一個真正愛你的人

如果有一切有機會重來
我想學會把妳的幸福放在心上

我明白了愛——並不是敷衍地哄她開心，而是真心希望她幸福
我明白了愛——並不是單單講出來，而是讓她有更好的生活
我明白了愛——是不讓她擔心和不滿
我明白了愛——是為她打造一個更優質的自己
我明白了愛——是做好長久的人生計劃，給她一個靠譜的天荒地老。

女孩經過書局，無意中看中了《我的傳情密碼》的30s video 製作，她想了又想，30s可以表達什麼呢？連一分鐘的時間也沒有，但還是忍不住買了下來，因為只要她給他一個QR code 的貼紙，他就可以access to video，emmm 至少女孩覺得有創意，很浪漫的囉！感覺好似摩斯密碼囉！

但30s 連開場白都不夠用，究竟想表達什麼呢？女孩想了又想，video 改了又改，單單是一個錄音，亦錄了不下30 次，講稿亦不停的修改。

到最後她想到了，這個video 就當作是一個紀念好嗎？紀念女孩這數年的經歷，曾經掛念他，曾經的一切。Video 的相片飛快閃過這數年的回憶，記錄的是一個又一個的笑臉，最後以miss you 作結。

Video 沒有植入強烈感覺，反而是淡淡的回憶，淡淡的感覺，也許她想紀念這一刻的感覺吧！

她不知男孩看完的反應如何，但她知道他會明白的⋯⋯

女孩走過男孩的坐位。

女孩跟男孩說：「你返屋企scan QR code就會access to video，但你返屋企先開啦，我驚你打我囉？」

男孩：「入面係咩嚟架？巧驚驚！」

女孩：「沒有什麼，只是一個紀念，時間唔早啦，我走啦。」

以前男孩做事，她總喜歡干擾他工作，在旁吱吱喳喳的說過不停，但這次不同了，有時你發覺當有太多話想跟他說，反而結結巴巴的，一句話也不想多說，亦不知應該從何說起。從何時開始對話有一種沉重的感覺，也許不想面對這一份淡淡不捨的感覺罷了。我總是貪婪的看着你，很想在腦海中記清楚你的輪廓；記清楚你的笑臉；記清楚你的表情。

你知道薰衣草的花語是什麼嗎？是「你只要用力呼吸，就會看到奇跡」我真心的希望你找到自己的奇跡，找到自己的幸福。

感情嘅事本該就你情我願，理想嘅關係當然希望可以互相扶持、彼此包容啦；不過，如果個個人都可以理智與感情同時並存，又點會有咁多情愛糾紛呢？

阿庭今年廿幾歲，無搵工，原本好似讀緊書，但唔知畢唔到業定點，而家過住三無生活：無錢、無目標、無女朋友。應該咁講，原本佢有女朋友的，不過一個月前分咗手，阿庭想睇吓仲有無得復合，所以黎搵我。

咁本身我對阿庭印象麻麻，預約占卜個Message 講成幾十字都無重點，字與字之間夾住啲 Emoji，錯別字又多，約時間又扭扭擰擰，得罪講句都有啲煩架。不過，因為佢講分手呢壇嘢講到要生要死咁，又話咩自己喊到眼都腫，咁我當然都係同佢約咗個時間啦。

「佢話我比好大壓力佢，佢想分手，然後佢 Block 咗我。」

呢句係一句喺舖頭非常常見嘅開場白，我點點頭，既然 Block 咗嘅話，「咁即係呢一個月都無聯絡啦？」

「無⋯我淨係知佢入咗醫院。」阿庭有個小動作係好鍾意撥佢 Pat 蔭，淨係講兩句嘢都撥咗三四次，「咁我原本想去探佢，但佢啲朋友唔肯比我知佢喺邊間醫院。」

聽到呢度我有啲心痛，哎呀，如果仲愛對方，知對方入咗醫院有事，阿庭一定好焦急啦⋯⋯

不過我下一秒就知道我太天真。

「我知佢咩事呀，佢自己將啲問題放大之嘛！佢話我逼佢，唔比佢私人時間休息，我都係關心佢啫！佢話分手嘅呢個月呀，我驚佢識第二個呀，晚晚去佢屋企樓下坐公園自拍比佢，比佢知我有幾關心佢⋯⋯」

「咪住。」我有啲淆底，「你話你地分手無聯絡，但你日日去人地屋企樓下等？仲自拍話比佢知？」

「我點知佢係咪有第二個架？佢唔明架啦，世間險惡呀，佢生得正常樣，身邊又有男性朋友，一陣有人追佢點算？我咪無得復合？同埋⋯」講到呢度阿庭嬲嬲地，拍咗一下枱，我就淆淆地向後坐多少少，「咩我比壓力佢啫？我比哂我啲時間佢，佢有無同樣地比返哂佢啲時間我吖？佢無呀，佢要返工，又要見朋友呀！咁唔公平嘅事我都無鬧佢啦！」

我聽到一半，其實都反哂白眼。大佬，你自己無業，咁梗係得閒日日去搵對方啦！人地話分手，你仲要日日去屋企樓下等人，痴線，講到自己救人一命咁，明明呢啲已經近乎係跟蹤嘅行為喇噃？

「我以前日日打比佢，佢都已經唔係每個電話都聽，一時話開會，一時話行開咗，佢有無諗過我會多心架？佢比唔到安全感我，仲話我逼害佢。佢今次入醫院，我知咩事呀，佢話我日日去屋企樓下等佢，佢話驚，話好大壓力，胃炎喎！又係我錯囉咁！」

相信睇到呢度，唔單止我，大家應該都睇到火都黎。副牌當然就叫佢收手，唔好再搞條女啦，復合？仲點復合呀？人地差在未報警架咋！老老實實，除咗頭先提過嘅奪命追魂 Call、日日公司屋企樓下等之外，阿庭仲會因為聯絡唔到個女仔，而不斷短訊個女仔身邊嘅朋友，呢啲唔係關心，呢啲叫痴線！

阿庭見我幫唔到佢復合（係呀，佢又係一個以為占卜完會心想事成、可以逃避現實嘅人），咁佢梗係不滿啦，將錢丟喺枱面講咗句「哎是L但」就走咗。咩話？佢好無禮貌？無所謂呀，佢咁癲，我原本驚佢唔肯走咋～LOL

逼得太緊嘅唔係愛情，安全感係自己比自己，唔係強求人地去比你；如果對方真係太多野令你不安，咪即係大家個模式未必好夾囉！

阿庭呢種客我就 Blacklist 架啦，而家就惟有希望胃炎嘅女子快啲康復吖！

【塔羅牌個案分享】

個男仔被女朋友飛之後玩跟蹤，仲上黎叫我幫佢評吓理
「我想分手，佢話唔好，不如去開房；然後我覺得佢仲愛我」

個客問創業，我話佢未 Ready 佢唔聽，而家蝕到入肉叫我救佢

「人越大越難搵對象」，其實同志世界都適用

個客認為喺放工時間嘅金鐘地鐵車廂入面睇英文書會增加異性緣

著名大學 Year 1 學生問「我點先可以做到 Hall Queen」

個客驚老婆驚到唔想返屋企

佢話兩個月過去都未搵到工，要求我道歉

你話想生仔我咪唔避孕囉，我家下有咗你就叫我落？

喂阿哥阿姐，我做神婆，唔係媒婆！

有個客為咗受男人歡迎，走去養狐仙

上流社會的分手方式（下集）——機票？支票？女主角最終揀咗. . . . . .

上流社會的分手方式：左手機票，右手支票

動物傳心？咪玩，人類都未做到完全互相理解啦！

神婆的正確使用法則（我指我啲塔羅占卜）

PTGF 有咗餡，唔想生又懶得落，可以點？

買避孕套或者食避孕藥係咪真係咁難？

【識食一定食＿＿】邊個星座嘅男人性能力最好？

專注工作身家豐厚的她，進來占卜店後問了三個男人的事. . . . . .

致女強人：唔係個個都鍾意玩女王凌虐play

讀完工聯會課程自稱專業塔羅占卜師：「上夠十堂就有。」

【塔羅搵老公】原來呢個世界堅係有樣嘢叫真愛是真！

呢個世界有幾多種第三者？——無限 FF 天真蕉

呢個世界有幾多種第三者？——好勝 Gigi 篇

【行業百態】塔羅占卜唔包幫你吹＿架！

你擁有的是愛情，還是一段關係？

男人出軌自白

耶撚與塔羅牌

婚紗小天使勇戰愛琴海

星座戀人

第三者

我唔係撬牆腳專家。我知人有女我都會避忌，一般除咗食飯吹水之外，我會避開做其他嘢。但由於太多囡囡都覺得本人實在好叻媾仔／食仔／搶仔，經常ＰＭ查詢。故此就在此講吓啲全天下所有女都會明同唔叫好做到嘅嘢，以後叫佢哋睇文就算。

一﹒立flag

你嘅對手係女人。女人係一種妒忌心好重嘅生物相信大家都認同。你要做嘅就係立flag。Flag 主要係明flag 同暗flag 兩類，咁技術嘢一定有分高低。明嘅就係喺任何社交媒體tag 個男仔或者mention 個男仔名或者荷彈實槍wtsapp/ig dm 條女，咁高低就視乎你對手啦。對家係醋罈嘅，而你又知條仔冇報案嘅話，咁好大機會都分手嘅。但你要諗吓條仔係咩人囉，如果條仔氹功好嘅，一定會氹返條女，而嬲鳩你，更加唔會同你一齊。咁你aim at 破壞人哋幸福而從來冇諗過要一齊嘅係congrats 嘅。

但唔好意思，你想一齊嘅話，一定要用暗flag。咩叫暗flag，就係影只有男仔身邊熟嘅女仔／朋友認得嘅嘢，例如鞋、車嘅局部、屋企階磚或袋邊（唔係春袋邊啊屌晒你哋老母！），或者高風險少少嘅同餐廳／同地區打卡。你未必要同條仔有超友誼關係，都做到呢啲，機會成本超低而冇乜風險（知情人／估到嘅人夠少嘛）。而到時人哋呷醋就係正印嘅錯，而製造猜疑同埋感情裂痕只不過係撬牆腳嘅第一步。

二﹒保持行車距離

學黃子華所講，「男人要新鮮，女人要保鮮」。你同正印比其實冇咩特別優勢嫁咋。任何人鍾意一個人都唔係只睇一個數值，而係睇所有嘢嘅平均值。一個人鍾意另一個人有好多原因，而佢係一個點嘅人，佢鍾意嘅人都一定有個既定range 喺度。正常狀況下，如果一千分係滿分，你情敵係有七百分嘅，你最多攞到九百分（即係拎多滿分入邊嘅兩成）。咁嗰兩成係點嚟啊？有一方面係你好撚過個正印成截啦，否則人哋都唔會花時間同你有風險咁一齊約出嚟啦。另一樣嘢就係嚟自幻想，即係虛構出嚟嘅好處。如果你比起佢嘅現任更通情達理嘅，佢會諗如果我同你一齊咁我可能有一啲感情問題可以同你solve 而唔係唔夠膽講﹔如果你比起佢嘅現任更加識享受生活嘅，佢會覺得你哋可以一齊周圍去，小小嘢都可以發掘好多驚喜（雖然男人出軌同發掘墳墓比較近似）。

咁新鮮其實同保鮮都係一樣道理啫，唔好擺落雪櫃咁耐囉！！！你可以鍾意呢個男仔，可以力追，但唔該你要尊重佢嘅人生同埋生活。唔好一個頭舂埋去，猛咁chur，等佢有時間回味吓你嘅肉質新鮮（未扑嘢抵壘就難啲肉質新鮮嘅）或者fresh fresh feeling。而學蔡瀾所講，令一條仔掛住你就係俾佢屌完第一次之後唔搵佢，要佢主動搵你（唔好問我條仔唔搵你點算啦，因為真心用完即飛冇戲唱。施主你咁鍾意撬牆腳嘅話都係換個有成功結局unlocked 嘅game 啦）。

三﹒supporter 路線

你係做supporter 唔係reporter。記撚得為咗得到呢條仔，你唔好揚出去，要講都係講「我同佢份屬好友，我覺得佢哋兩個先係最襯」。如果有打機嘅，都會知呢個角色面向普遍唔係攻擊性強嘅角色，甚至唔係一個主動性好高嘅角色。唔係要你扮弱者，而係如果不幸條仔真係想跳槽轉機，做你條仔嘅話。你記得要體諒佢會俾人閒言閒語，甚至乎要明白同尊重佢對佢現任嘅愛係恆久忍耐，而你係一定要含撚忍耐嘅。

所以埋門嗰腳，你要做嘅嘢係主動掩飾掩護，錫住佢唔好俾人知道你同佢啲嘢，等佢受壓少啲嘅狀況下轉機。唔好逼佢一定要揀你，而係話佢知你明白佢處境，如果佢唔滿意佢呢段關係嘅，佢可以落手去同女朋友傾吓，或者分手保持單身狀態，最後先係同你一齊。你要講得出口「兩個人一齊，唔係分咗手換個畫就算，而係要一齊拆一齊傾。」呢個唔單只係承上仲係啟下，幫你同佢有機會發展嘅戀情開返一個靚嘅開始。當然對方係啲唔知做乜勁想拖兩邊嘅人而你唔接受嗰陣你就要逼。但老實講，逼返嚟嘅通常都冇好嘢。

–
–
–
–
–

後記：寫呢篇文其實唔係真係想大家學撬牆腳。反之係諗一諗一段感情上大家點樣可以做得好啲，例如溝通方式、戀愛距離同埋體諒對方。而更重要嘅係……硬搶返嚟嘅嘢係冇咩好結果，好簡單就係「明白如你要這樣易變心　哪到我害怕」，我都唔想大家「用第三者身份見證　最不可靠是愛情」。然後灰撚晒，以後拍親拖都玩猜猜畫畫，驚頭驚尾嫁嘛。

而如果你係做人正印嗰個，唔好人哋身邊有如遠若近嘅紅顏知己就呷晒醋，因為一段感情總有啲嘢係要同人呻吓，呢個世界唔係男就係女。立明flag 嘅你唔洗擔心唔洗理，因為除非條仔主動同你講分手（講得嗰陣留嚟爭嚟都冇意思啦），否則其實條仔至少都唔介意公開坦白俾你見到啊！但立暗flag 嗰啲你就真係要拎出嚟同條仔講啦 ～佢哋有嘢又好冇嘢又好，坐低訂返條大家都接受到嘅「請勿超越黃線」都係好事嚟。

唔立flag 嗰啲一係叫你條仔鳩痕，一係就你自己多心，but not 人哋撬牆腳囉，唔好成日屈鳩人搶仔啊！！！撬牆腳係一門藝術同專業，事實都唔係咁多人做到，所以冇暗flag 證據真係唔好亂咁講ｌｏｌ

我唔鍾意啲人同我拍拖想瘋狂貼相出 post or even set relationship 嚟證明我哋拍拖。因為感情係我人生最大嘅避風港，泊得入去我預咗暗湧難避免，始終都係要落錨。但我唔預要同你驚天動地愛撚過做茶餘飯後，知嘅或出街撞到嘅朋友咪知，唔知嘅咪恆唔知算囉。我淨係想專心對你一個，世界咁多八婆我唔想面對喎～～

同理，唔鍾意其他女媾我條仔嗰陣喺度影埋有線索嘅相立 flag（佢哋出街食飯睇戲飲嘢我冇所謂）。但遇到呢啲時候我會同條仔講：一係你避免呢啲事發生，叫條女拍硬檔幫吓手影少張相做少陣港女；一係你就話我知先，備咗案我當咩都冇；一係事後你要主動意識到識主動氹我講返咩事。只要你 show 到你有意識我唔會管。都係嗰句「我知我見到係一回事，我唔知你俾我見到你食屎」。

我唔鍾意人哋要我或者我要人報到。我想講嚟方便大家約見面係我嘅事，除非嗰日你想約我，如果唔係你唔可以問我。同理，除非我同你一齊諗緊之後我哋有冇下場，否則我唔想問你去邊做咩。

我唔鍾意人哋同我講明唔可以見邊邊個，講唔想或唔好然後俾原因就夠。好唔得就攤出嚟傾，我唔一定唔贊成你嘅提議。如果我照做，我要你清楚呢啲係compromise——我本人冇你喺度我係唔會做呢啲嘢嘅。
說服唔到又冇砌唔掂中間方案，真心唯有分手可解決：）

如果行分手邊緣或前度類別，唔該唔好爭風呷醋。喺度話你同咩人close，本身行到呢一步實有原因，行到咁你仲要重覆返連我同你一齊嗰陣都唔肯嘅被動扣貞操帶動作，你以為人哋會同你一齊返或者會繼續俾餐士你咩？

專一從來係一段感情嘅by-product，扣得住我我longd成年幾兩年都可以唔食仔，唔媾仔，早返屋企乖乖哋等你skype等你call。扣唔住我或者等唔切，一齊三日就要一生一世一心一意，sor囉，我唔係呢type。

都係嗰句，拍拖唔係守行為，我會留會乖（甚至會唔拍拖住）係因為我鍾意你。我同得你一齊（過？），你知我係咩人。打算玩勞動改造嘅，你可能上山下鄉先得 

男歡女愛本身係好美好嘅事，男食女又好，女食仔又好，都係歡樂嘅。

可惜嘅係，社會總係充斥住癡男怨女，一夜夫妻百夜恩（唔係百二蚊）之後，喺度秋後算賬因愛成恨玩報復。

我認為，呢種社會風氣係好錯嘅。

但無論個社會有幾沈淪，每個人都有責任保護自己，我身為男人，咁梗係講男性角度，歡迎女人自己寫食仔寫飽佢。

呢個年代，就算細個嗰陣大家都憧憬同一見鍾情嘅中學同學白頭到老，大左之後，都難免感受到現實嘅無奈，咩原因都好啦，總之就係無可能返到轉頭，返唔到去睇女唔睇頸項以下嘅純情。

anyway，無論經歷過幾多，盤水倒左去邊度都好，人生每一段關係開始嗰陣，都係甜蜜嘅，下體充血嘅感覺係最實在，呃唔到人，呃唔到自己。

但男人大丈夫，去到咁上下，就要知道，血液除左流向陰莖，仲要留返啲俾個腦用，古語有云「發乎情止乎禮」，係智慧呀。

喺呢度，我唔諗住討論對住咩人應該硬J，因為我知道，燕瘦環肥各有各好味，甚至有時我只係人哋對住我笑多幾次就會封佢做娘娘，所以討論呢啲唔會有結論。

反而，我係想探討一下，抽番個身出來（講緊係入之前就要抽身）咁諗，乜嘢特質嘅女，係不可食用。

關於玩嘢成本

好多男人，包括我以前都係，唔鍾意女人叻過自己，覺得女人叻，in terms of 考試成績、搵幾多錢、老豆幾多層樓之類，都係會令自己好不安，呢個我係非常之咁know that feel。

然而人大左，就會知道，無事業，或者佢個事業同佢嘅名譽無關嘅女人，先至係最食唔過。點解？

經濟學有個概念，叫成本，即係一個人做唔做某個決定，除左睇佢要付出啲咩，仲要睇佢因此放棄啲咩機會，

一條女，被人食完，十年後佢覺得後悔，然後話人性侵乜乜乜，係時有所聞，包括剛剛被法庭宣判無罪嘅仁兄。

如果條女搞大件事，係「無成本又可以玩嘢」，咁佢玩嘢嘅機會就會高左好多，即係條仔食佢然後等十年後死嘅機會就好高。

調返轉，如果條女有事業有家庭，而且佢嘅事業同埋現有嘅生活，係唔容許佢公開抓爛塊面同人攬炒，咁佢玩嘢嘅成本就相對高左。

咁當然，呢個世界好簡單，如果有人不惜一切代價都要報仇，其實兄台你都好厲害。

關於怨婦

女人之中，一哭二鬧三上吊嘅怨婦，係最不可食用。

無論有無宗教信仰，基督教有個概念叫感恩，亦即係一夜夫妻百夜恩嗰個恩。

經歷過最溫柔共震，彼此係懷著感恩嘅心，係感恩曾經同行，定係覺得自己俾你食左，係蝕底俾你，係之後會懷恨在心乃至報復，咁呢兩樣價值觀係非常咁唔同，而呢種唔同，係反映埋喺佢嘅日常生活。

面對鬥爭、面對挫折、面對不公、面對不如意，佢嘅態度係點？係同你訴苦之後積極面對拆掂壇嘢？定係負面情緒到天荒地老，甚至衰左賴埋你？

有女唔好食住，交下心再諗是否交配，係重要嘅，如果一個唔覺意食左個怨婦，唱你事小，報警事大，煩一輪就算你啱晒，咁又點？社會保障婦孺，法庭唔開控方證人名，邊個開名就係藐視法庭，嫌疑犯呢？唔好意思，連男人都會覺得你都有今日，無人會理你。

關於朋友圈子

古語又有云「喺度食唔好喺度痾」，呢度嘅食字唔係食女，係搵食，呢度嘅痾先係食女，唔好問我點解，我唔覺得痾字係準確的。

any 肥，承上，如果你食嘅女，同你圈子高度重疊，而且玩嘢低成本又係怨婦，let’s say 公司入面嘅低級職員，咁你正處於非常危險嘅境地，我會直接形容為玩命，甚至自殺。

當佢發爛，佢唔需要去報警，佢只需要向上司投訴、向其他男同事「傾訴」，就算佢會因此無左份工或者淪為其他女同事口中嘅臭西，佢咁低級咪最多搵過份，女人搵工幾咁易你唔係唔知，但係你呢？well，睇定jobs bb 你估就得？定係疊埋心水學我失業變創業？（利申失業因為廢而唔係食女）

如果條女係以前同學，真係好睇你社交手腕喇，但你勁過張儀都係咁話，至少你會喺部份朋友心目中變左陳世美，口裡撐你嘅又敢唔敢講太多？

關於食女

咩話？最後先來釋義？係呀。

乜你真係知道你而家呢一刻好認真交往緊嘅人，係一定可以白頭到老？

你可能正在為對方盤算好多好多嘢，你又知佢一定會多謝你而唔係覺得你多事？

佢今日講有幾愛你，交合嗰陣騎住你擺動埋蛇腰，你又知道十年後佢唔會話你強姦？

唔係話要拍個拖都要城府深過佢港女乳溝，而係社會唔保障男人，男人就要自保，如果你只係埋怨社會不公，咁你又同啲女人有咩分別？

先要自愛，才有力量愛別人。

每個人都有自己一套掛住前度嘅方法，曾經聽過外國有位爸爸用前女友個名幫自己個女取名，被老婆發現咗之後差啲搞到離婚。而我卻選擇買一架德國車，因為架車個型號同我EX 個名係一樣，都係叫TT 。

讀大學個時第一次知道Audi車廠有款車同女友撞名，我就同佢講：「我人生第一架車一定要買Audi TT。」佢一聽到當然個心甜一甜，但當佢見到架個樣就話：「好睇咩，圓碌碌又細架！」我就答：「咁咪似你囉。」到呢一刻我都認為係fair comment 。

畢業之後，我地同好多大學情侶一樣，都唔能夠走到最後。但我想買Audi TT 嘅決心一直都係咁堅定，就算係填online banking 嘅保安問題 ，我都係填Audi TT。

霎眼廿七歲，開始同另外一位談婚論嫁，係結婚之前，我決定去買我心愛既TT。新車落地個排，大學同學、樓友一見到架車，好多都whatsapp問我做咩，做咩仲放唔低。放唔低我認，但我覺得我冇精神出軌，因為我知道鐘意嗰個TT 已經唔存在。

我而家個未婚妻當然唔知咩事，但就會成日笑我「屋又見唔你執，淨係識搵鐘點。但架二奶次次自己落去洗」，每一次我都係笑完就拎個水桶落去，人又點會完全冇秘密呢？

上星期去完IKEA，我未婚妻係車到問我：「你幾時鐘意聽K-POP 架？」「冇呀，係spotify聽到幾好聽咪播下囉～」

“I’m like TT ～～～Just like TT”

每一次拍拖我都會諗自己真正想要啲咩。滿足完自己嘅自閉日常之後，我就會諗我點樣可以令身邊嘅人更加開心，段感情到底要點樣先shift到去equilibrium。

第一次我拍拖，我覺得好幸福，行去邊都幸福，愈微細嘅嘢愈幸福，嗰種年紀大事根本就控制唔到，所以更加珍惜每一個大家一齊嘅細節，即使係遺憾一樣幸福。即使我哋每次坐低傾乜佢都好眼淺，但我哋都仲係會一齊坐低傾。因為冇嗌過架，所以特別開心，記得。開心嘅回憶未必係最多，但唔開心一定係最少。都好感謝呢個人陪我成長。

第二次同我拍拖嘅係另一種人，唔同好多。一樣嘅係都係咁錫我咁就我，但係佢係佢唔鍾意嘅嘢上面態度強硬好多。好多價值觀都唔同，所以我哋冇幾耐就分開咗。講分手嗰陣，我好記得我企咗喺啱啱駛開嘅西鐵入邊……我哋嘅距離就係咁樣由逐站逐站拉遠，自此以後就冇以後。

到第三次，佢係最細緻最俾到幸福我嘅人。佢咩都諗我先，我鍾意嘅嘢佢從來唔會話唔做，即使我哋一齊幾耐佢都會用盡心機去諗有啲咩同我做，有啲咩要放落個list度。我係佢嘅唯一，但不幸地佢唔係我嘅唯一。當時我哋分咗一次手。我好感激呢個人，因為佢明知佢未必係我最愛嘅人，但佢永遠愛我愛到底，叫我咩都唔洗驚，放我喺安全網入邊。

第四次，我覺得好多嘢可以突破，鍾意一個人可以改變好多嘢。每一刻都活喺被照顧之中，但佢係一個自尊心好強嘅人，需要一個嘅姿勢比較低嘅女仔。佢係一個強勢得唔合理嘅人，相對嚟講自私（儘管已經盡力去錫我）。我鍾意佢嘅好，但我同時唔可能接受佢嘅差。有時候，我會覺得，如果所有嘢旭一旭，佢努力啲，我努力啲，喺某個時刻就會變。而唔會出現第五次。

第五次，我同一個人一齊。平淡，終於係我想要嘅平淡。但我開始覺得悶。我開始諗，第一次有一個人同我一齊而唔會陪我癲。佢曾經好錫我，好縱我，好顧我，但佢唔可能長期維持呢個狀態。佢唔係一個會同我坐低解決問題嘅人，幾近係第二種生物——感情行先。於是同佢一齊我變得好獨立，開始覺得攰，覺得點算好。

到底人嘅一生要跌跌撞撞、尋尋覓覓幾多次先可能搵到自己鍾意嘅人？究竟鍾意係一種感覺，定係一種錯覺？我哋係咪每一次都可以喺入邊學識嘢？係咪每一次都可以拎走啲嘢嘅同時放返低啲嘢俾人呢？而我哋係咪永遠都需要身邊有一個人呢？單身會唔會或者更好？

（圖文不符）

唉……

想不到我JJ玩SKOUT不到兩星期，就墮入愛河，並且失戀了！人地話驚出來玩會沉船，點解我連愛都未做過，就已經沉船！！！天呀！！！

隱藏與顯露之間

兩個星期了。新手的我，不知道這個時間，已超越了SKOUT的常規。如果我早知道，如果我早點察覺，如果……

跟Brian聊天，我感到自己像公主。他總是在合適的時候，問我工作如何？今天過得開心嗎？連我也對自己每天的生活感到沉悶，這世上竟然有一人，對我好奇，對我發生興趣。我期待他的留言，整天看著手機，一顆心只想著怎麼還沒有新的留言。

不知不覺間，我對他傾心吐意。我們無所不談，話題都與性有關。他問我如何看BLOW JOB，認為性是什麼，高潮的時候感覺如何。他鼓勵我發揮創意，讓感性主導；性是雙方都要主動的，要想如何勾引對方取悅對方。我受到前所未有的啟發，怎麼我從來沒有思考過這些問題？滿以為已是人妻，就自動自覺有性生活，卻沒有問過自己，如何令性生活更加美滿？如何更了解自己的性？

有時候，不是談性，就是簡單一個問候，或是輕輕一句「今晚留點時間給我，好嗎？」我已經心跳。怎麼一把年紀了，還會心跳？面紅耳熱？我既興奮，又感到害怕。

手機落水的羞恥

我不敢太愛Brian，對他有意無意的性邀請視作不見，因為心底裏還是害怕。到底害怕什麼？我不太清楚。

如此這般神魂顛倒了幾天，一不小心，把手機掉進水裏。好好地地何來水？好吧，你們是我忠誠又可貴的聆聽者，不暪你們，就是很想看SKOUT訊息，去廁所也要看，就這樣掉進馬桶中……我的iPhone 7呀！！！

馬桶……SKOUT……懷春少女……我羞於說出口。於此我才深刻體會到，自己有多壓抑。

手機落水，也成功地減慢相戀的速度。這是上主給我的啟示，因為我搞不清楚自己想要什麼。假如我想要的不只是性，而是愛情，甚或以性來換愛情，這不符合出來玩的遊戲規則。最終假如和Brian做了愛，然後沒有下文，我會傷得更痛，因為一開始已有錯誤期望。

或許就是這一下的遲疑，那一晚，我說很累了，不聊天。第二天Brian變得冷淡，第三天他不理我了。

我失戀了

城市繼續運作，上班工作如常，誰也不知道我心隱隱作痛。我不再是小公主，不必看手機，因為我的世界再沒有Brian了。

我忍不住心痛，還是找寶寶老公傾訴。一開始是安全系數的討論，「下，不是吧，你給了他一張半裸照？沒露臉還算好。下，後來你給了他露臉的照片？不是說好了無論如何不要給的嗎？好吧，你是女生也沒有什麼。有時候男生會被cap圖被人罵狗公，女生較少遇到這樣的待遇。不過你知道啦，有露臉，始終有機會被cap圖，那麼你就被free the nipple啦！又或者cap圖連同你寫過的文字一併公開的呀，雖然你只是平均一年寫一篇文的自創專欄作家人妻JJ，但多少都薄有名氣的呀。那個Brian也不是好東西啦，約出來就好，要相片幹嗎？這是安全的問題呀，完全不considerate，不顧及女仔的需要。」還是寶寶老公最疼我，他說要買蛋糕慶祝，因為老婆仔又回到老公身邊。

星期日崇拜，唱著詩歌，看著十字架上的耶穌，我流下眼淚。主耶穌見我哭泣，親自來擁抱我安慰我，雖然只是十幾天虛無飄渺的網絡愛情，我自己覺得又笨又傻，但在主耶穌面前，我終於可以哭出來。主耶穌對我說：「無論你的愛情是虛幻還是現實，是短暫還是長久，你的痛是真的。來，靠在我身上，讓我撫平你的創傷。」

You are always in my heart

有老公仔的陪伴，又有主耶穌的愛護，我漸漸平復過來。現實中的遺憾，唯有靠想象來彌補：

J：Brian聖誕快樂！
B：謝謝你。好耐無見，你幾好嗎？
J：我不好。我掛住你，我想要你。我現在就要穿上最性感的內衣，給你更多的裸照。我現在靠向你，你伸出手來，右手扶著我的baby fat腰，左手把我的秀髮輕放耳背，低頭吻我的胸脯，我雙頰紅粉緋緋，花蕾正等待著，向我心所愛的盛放……

那年暑假我和你第一次外遊，也是我第一次出國，回想起來，能夠在求學時期交往三個月後單獨旅行，是一件十分幸福的事。要不是阿徐和大明打算去日本，我們也沒有借口說服父母批准，雖然只是短短四天三夜的旅程。

第一次去日本竟然沒有選擇去東京大阪，而是中北部，完全是你的意思，說不想去一些觀光客地區，你會負責行程安排，我只要找住宿就好了。在那個還沒有網絡的年代，要自由行絕非易事，你在圖書館借閱了很多參考書藉，又去了旅行社多遍查詢旅遊資訊，現在想起來我仍然佩服你的毅力和堅持。

當然還是有吵架的時候，不論在出發前還是旅遊中，記得到達後隔天我遲遲未能起床，差點趕不及原來計劃的巴士，你發了很大的脾氣，不等我就自己離開酒店，要我奪門趕上，我不斷道歉去哄你，你卻生氣地看著窗外一言不發，幸好沿途有如明信片般的風景，緩和一下心情，下車後你終於把飯團遞向我，又著我拍照，算是原諒了我。

立山黑部一帶非常的美，人流也不多，不過交通很不方便，我也記不起那天遊覧各景點之間換乘了多少公共交通，每次上車時我們都揚言要趁機休息一下，卻一次又一次因為美景而捨不得進睡，帶來的菲林也很快耗用完畢，只好把影像留在腦內，用回憶代替膠卷收藏。

然而旅程中最難忘的並不是在山上，而是晚上在突然加插的行程，我們抵達黑部已經黃昏，只能加快腳步趕回程的車，步行途中遇上了一對日本父子，父親用普通話跟我們搭訕，知道我們從香港來顯得特別興奮，原來他經常到香港做生意，十分喜歡香港，又著我們不用趕時間，他可以開車載我們回去。

就這樣我們坐上了便車，和他兒子用半鹹半淡的英語一邊聊天，很快便回到了富山市，山田先生又邀請一同晚飯，我們覺得很不好意思，他說下一次去香港帶他去玩就好，於是挑選了一家在海邊的餐廳，我第一次品嚐到這麼新鮮美味的海鮮料理，餐廳外則是整片大海，富山灣的夜色盡收眼底，忽然近處浮動著一堆藍色的光束，我還以為是甚麼光影效果，你說那是螢光烏賊，山田先生立刻對你的博學露出驚訝的表情，並補充說它們一般於三到六月出沒，能在七月初仍看得到烏賊身影，實在是非常幸運，我說能遇到山田先生才幸運。臨別時我們交換了地址電話，我們著他來港一定要通知我們，又說以後一定要再回來。

後來不但是沒有再回去，就連一起旅行也沒有，除了我去倫敦找你的那兩個星期。我們的感情因為分隔異地而變成長期疾病，慢慢地病發，慢慢地告終。而當我每次看海的時候，總不免想起那次青春的出走，後來唸大學時有一次我在石澳烤肉，看到海面上一片藍光，興奮地對友人說想不到原來香港也有螢光烏賊，心想你是不是也要回來我身邊了，我立刻被一個女生糾正，那不是烏賊，而是一堆夜光藻，名叫藍眼淚。

盡情地取笑我吧，藍色的眼淚。

每日見客嘅同時，我亦會留意客人嘅言談習慣、儀表打扮，因為呢啲細微位，都有助我了解客人，從而睇吓如何順住解牌去提供建議。開業以來，我經常被問到「如何擺脫單身」「幾時有拖拍」之類嘅問題；而從男性女性客人口中亦各自收集咗唔少「咁樣嘅人一定唔會考慮囉」嘅要素。

佳節臨近，一於就同大家分享部分「神婆 Database」，作為參考又好，搏大家一笑都好啦。事先聲明，「無錢咪無女」呢啲理由不在此列，我手頭上亦有好多認為「無錢咪無仔」嘅個案，世界是很公平的，呢方面嘅事有機會另外撰文再講。

（1）氣味

有時女性噴太濃香水你都唔鍾意啦？男士亦然。有啲年輕嘅男士以為噴古龍水會為自己增添成熟嘅男人味，但其實你外表望落去好後生好細個嘅，咁樣做只會弄巧反拙；甚至有人以為噴古龍水會遮到啲菸味汗味，老老實實，其實會仲臭架！

定期洗頭洗衫，信我，乾爽嘅洗頭水同埋洗衣粉或柔順劑嘅味道，已經係最好聞嘅味道。真係大汗嘅，噴止汗劑啦。

（2）眼鏡

戴眼鏡唔一定薯，亦唔需要刻意戴隱型眼鏡黎扮 Chill（有時戴完仲怪），不過，重點係要定期清潔鏡片呀！出咗街無得洗眼鏡嘅，你用件衫邊抹下都好吖，總之唔好比人見到你副鏡片有手指模、有面油呀大佬！真係有啲礙眼架！

（3）儀容

唔好覺得男仔用護膚品或者修眉就係「核突」，一個姿整嘅男仔，同埋一個滿臉走米暗瘡甚至有暗瘡疤嘅男仔，你覺得邊種會比較易被女仔接受？

至於修眉，唔係叫你執到個樣好似偶像派咁白淨脂粉，而係好簡單，頭髮長你都會去剪，如果眉頭鼻樑上面雜毛多，成個樣望落去都會無咁清爽。買個眉鉗從毛根部分清一清雜毛，你會發現自己個樣真係會有正面變化架。

睇到呢度你可能會話：神婆，係咪個個女仔都咁睇外表啊？我都好老實咁問返你一句，你地睇其他人第一眼或第一感覺都係黎自佢外表或打扮（無論個感覺準唔準確都好），既然係咁，人地同樣地都係咁對你架咋噃！

（4）談吐

香港男士經常有個通病，就係好鍾意認叻，可能係男性荷爾蒙影響，又或者係無自信所以想搵啲嘢刷存在感啦，但係好老實，開口埋口將自己識嘅嘢拎出來講同炫耀，個感覺就好似有港女當眾話自己「嘩我覺得自己好靚女好可愛」一樣，你係咪會心諗「做乜勁」咁樣先？

有麝自然香呀，除非你富二代想吸啲港女返黎炫富，又或者本身真係有啲好叻嘅才能；不然，其實香港女仔好醒架，你係真正有料，定係扮勁，其實佢地聽得出架，唔當眾拆穿你係比面你架咋。睇到呢度，有無開始明點解有啲女性約咗一兩次之後就唔再應機吖？

（5）打扮

你以為格仔裇+牛仔褲+背囊係好差嘅配搭？其實唔係，一來人著衫而唔係衫著人，點解日本 Visual Kei 係型，黎到 MK就係核突，呢啲係氣質嘅問題。

真正出事嘅打扮，有三樣嘢：波衫波褲、拖鞋或涼鞋、以及爛哂霉哂嘅袋或者鞋。

波衫波褲唔受歡迎嘅理由我唔清楚，不過從客人口中得知，著波衫赴會嘅男性，風評比拎動漫袋出街嘅男性更差⋯⋯如果有女性讀者有同感歡迎留言，因為我真係唔明波衫問題喺邊。

至於拖鞋⋯方便係一回事，爛腳指係一回事（笑），最主要係著拖鞋時，無論男女，步姿都會不禁 Hea 咗；直接啲講就係行得爛撻撻，感覺自然扣分。

（6）髮型

最後講髮型。唔好盲跟潮流啦，髮型都要襯面型，前排個個學剪韓星齊蔭頭，咁你有無跟到足化行粉底出街吖？

飛機頭嘅話無問題，但要注意髮膠用量，噴到個頭硬哂咁其實唔係人人好睇，有時頭油多啲嘅，仲變咗一堆頭皮。

女性對男仔髮型要求好簡單，見到額頭會加分，因為視覺效果會精神幹練啲。

呢幾年黎從客戶口中得知嘅資料就係咁多，不過就算唔係為姻緣，其實參考以上意見嘅，基本上對你搵工面試都有幫助架，各位男性朋友不妨留意下吖！

【塔羅牌個案分享】

最近都轉研緊點用紫微斗數加面相去論命，我發現市面上都比較少人講點用呢門嘢去搵啲性需要大嘅女性，難聽啲講就係用術數搵「淫娃」，我打算公開自己嘅心得。

當然你首先要識呢門嘢，但要自學本身唔難，但深入理解係要有啲天份。

所謂「淫」，其實正確去講，就係性需求比較大，主要由於人類要繁衍下一代，所以內在某種基因自然會推動自己去尋覓繁殖嘅目標，而以我觀人於微所留意到嘅特徵，歸納如下：

1.肥。容樂其成日講「圓碌碌」三粒字，證明佢識食，事實上肥肥地乃至肥嘅人，某程度同性都會掛勾，因為食同性都係生理需要，所以兩者係有一定關係。

2.嘴唇。傳統面相都講上唇重情下唇重行，麥玲玲都有教。我自己觀察而言，其實未必係上下問題，係豐厚與否嘅問題，厚唇嘅人係我論命嘅時候，都會伴隨啲特別喜歡性愛嘅特質。同埋我地睇啲嘴唇豐厚嘅人，唔知點解都會當佢係sex object，所以面相其實又係人類嘅生理學。

3.紫微斗數通常係整體命盤論命，但睇某幾個宮位就已經大概估到個人咩性格。

但通常睇個女仔淫唔淫，我自己會睇子女宮先，因為呢個宮位會決定你子女多寡，同時又睇你個性頻密程度。

子女宮有桃花星嘅人，多數都會有早產子/多子嘅因素存在（咁好正常，唔搞嘢點生仔），正常紫微好多粒星都帶有桃花因素，但屬正定邪桃花，就好主導個女仔係咪好隨便。

一般來說，天姚、咸池、沐浴呢類，我地都叫邪桃花，入左子女宮，十之有九都容易出軌、亂咁同人發生關係。貪狼星亦帶桃花，但要睇佢配合咩星，見煞就住流連花街柳巷，見吉就主多子多女，所以不能一概而論。紅鸞星則比較正面，只會對自己心愛嘅人「床上淫蕩」，但都係要睇見吉定見煞，好難一概而論。

主導一個人性需要係咪大，都要睇埋其他宮位先可以定論，但子女宮有邪桃花星嘅女人，十之有九都淫底，在乎係外面淫到出汁，定內裡陰啲陰啲欲拒還迎。

其實古書都唔會咁記載，斗數啲書都唔會咁教人，本身呢啲屬「唔見得光」嘅嘢，係現代就屬隨性隨意。每次幫女仔睇盤嘅時候，我都會睇埋呢啲，所謂「色字頭上一把刀」，阿媽教落，女仔做主動一定要小心，有啲嘢，唔係可以亂咁食。

知不知道什麼人最常把「愛自己」這三個字掛在口邊？

答案就是那些剛分手、回復單身的人（而且多數是女生 lol）

「愛」，其實是一個很廣義的字，對象也可以很廣泛，除了愛自己，還可以愛家人、朋友、伴侶、寵物，甚至陌生人等
偏偏在媒體的渲染下，任何人一聽到「愛」這個字，第一樣聯想到的總會是愛情

尤其是對於踏入適婚年齡而又沒有伴侶的人來說，他們很容易會覺得自己是「沒有人愛」的，卻忽視了身邊仍有很愛他們的家人朋友，彷彿只有愛情裡的愛才算是愛

在愛情中的愛理應是雙向的，你愛你的伴侶，你的伴侶也愛你。愛的來源總是來自別人身上，他可以很寵愛你，對你百般遷就，你可以什麼都不用操心，因為有他為你打點一切

那種愛簡直美好到你覺得一生有他就夠了。你會把他當成愛的唯一來源，因為在那時候，也沒有誰會像他般寵你了

如是者，當你慢慢習慣了他的愛，甚至把他當成唯一後，一旦不幸分開了會怎樣呢？你「唯一」愛的來源就此就泡湯了，看見其他人仍有情人的寵愛，相比之下，你當然會覺得自己沒有人愛

那你的家人呢？朋友呢？大概你早已忘記了被他們愛的感覺了，況且那種愛跟愛情也確實是兩碼子的事

在失去了你的伴侶，身邊的家人朋友也滿足不了你，又不想隨便再找個人愛的情況下，你終於醒覺，對了，你還有你自己啊，沒有人愛， 就只好靠自己愛自己

如此一來，「愛自己」好像是一件很可悲的事，只是分手後的衍生品。只有「沒有人愛」的人，才會想到要自己愛自己，聽起來就像左手與右手談戀愛般惹笑。是這樣嗎？

那我問你，分手後你才醒覺要好好愛自己，那麼到了將來你又再戀愛的時候，是否又不用再愛自己，讓新的伴侶愛你就好呢？

有伴侶的人有了伴侶愛，是否就真的不用愛自己呢？

其實有很多戀愛中的人都不愛自己，也不懂愛自己。他們都太習慣、太依賴伴侶的愛，因為那種愛實在太易令人沉溺其中
如是者，如果伴侶變得無理取鬧或者提出了一些無理的要求，他們都不敢據理力爭，反而是委曲求全，因為他們覺得不滿足伴侶的要求就會失去對方的愛。也就是說，某程度上，他們覺得自己能得到伴侶的愛，只是因為自己百般遷就的行為，卻不相信自己能夠在愛人的同時保留自我

在愛情裡，愛伴侶和愛自己，從來不應該是對立，而是相輔相成。單身的人當然要愛自己，有伴侶的人更加要記得愛自己，因為在愛情中不懂愛自己的人，代價隨時是血本無歸

如果女朋友搵你訴苦，千祈唔講「我覺得係你唔啱喎」！

女朋友搵得你呻即係好谷氣，遇上令人不快嘅事，需要搵人發洩。假如你很傻很天真直接了當咁講「我覺得係你唔啱喎」，佢將會好、撚、嬲。

喺女朋友角度嚟睇，佢只係想搵人分享件事，唔係想比人話，唔係想受氣，咁直接了當批評，佢會覺得加倍委屈，連親密嘅人都唔諒解佢，覺得兩個人價值觀唔同，講極都唔明。呢個時候，你已經成為烈士，成功轉移女朋友視線，將一個唔係你錯，亦都唔關你事嘅炸彈攬上身。醒目嘅巴打，講完呢句見唔對路會即刻收口；但有啲革命先驅，會繼續執著事情對錯，仔細分析女朋友做錯乜嘢，話女朋友「亂咁責怪人」，「有啲嘢唔合心意就話人」，「我覺得你無道理多啲」。

唔係話對住女人就要阿諛奉承，而係睇環境講適當嘅嘢，無論係男對女、定係女對男都係。男女朋友之間，一定有認為對方做錯嘅時候，但喺對方嬲到爆炸嗰時講，一定唔係最好時機。另一半同你呻時，只需要等佢慢慢講件事出嚟；等佢啖氣消咗，再問吓點解佢要咁做，同佢講可能有更好方法。維繫感情，離不開體諒、忍耐，要思考解決問題嘅方法，而唔係肆意按自己嘅感情行事。如果有啲嘢估到對方聽到會嬲，當然要多加思量，先講出口。如果真係要講，修飾少少，例如話：「如果你咁樣咁樣做會唔會好啲」，都好過直接話人唔啱。當然，都要對方唔無理取鬧，會虛心聽意見。總之感情，都要互相遷就，即使係另一半都唔可以肆無忌彈、口沒遮攔。

以前古巨基係有唔少好歌既。好多歌係我地果個唱Ｋ年代甚至係唱到爛左。點樣為之唱到爛左，係例如你唱唱下Ｋ，想上去廁所，之後行個果條窄窄既頭廊，未蕩失路咁樣轉黎轉去搵指示牌，之後見到Ｄ侍應開門閂門，Ｄ聲浪係唔係好技安都好，全部都係：

「別再做情人～～做隻貓做隻狗不做情人～～～」條路黑媽媽咁，確係幾好氣氛架。

你真係無法想像果陣係一個咩情況。可能有啲waiter 係櫃台對住一堆閉路電視，你同佢果下四目交投，佢眼帶一絲既訕笑，只差在無拎枝煙出黎看破世事牌咁，點起一支：「係呀。小弟係呢度已經一日聽首愛與誠，一日幾十次，慘過食頭痛藥。我就黎要因為咁去睇心理醫生架啦。」愛與誠講下都十幾年前。果陣岩岩香港走過ＳＡＲＳ，大家都好開心，強國放自由行黎，打９左香港既經濟。果陣真係董伯下台，四海昇平。所以唱Ｋ呢Ｄ群體拍拖活動，幾乎係呢Ｄ就聖誕既大時大節指定活動黎。

我成日諗究竟填詞人要受過幾多情傷既洗禮，先可以填出咁中既詞。有人反而唔想做。做隻狗類埋去，咁幾好呀，要hand 有hand 之後，飛撲埋心口又得，係咁狂奶（隻手）又得。。。佢仲為呢句野提供左好合理解釋：recall 番，下一句係咩呀，「做隻寵物至少可愛迷人」呀。

「和你不瞅不睬　最終只會成為敵人」，信知做人惡，反是做狗好。「淪為舊朋友　是否又稱心」當然唔係啦，邊個想食好人卡呀？不如食狗糧好過啦。日日貼住主人要求放狗，手舞足蹈，不知幾爽。「沒有心　只像閒人　若有空　難道有空可接吻　註定似過路人陌生」。填詞呢幾句寫到見骨。好似過路人咁渣，你以為自己係邊位。所以先證明做寵物受寵更好。當然，我係唔識點解「你怎麼手震」既。可能係無用勾勾狗帶，唔夠安全所以驚到手震掛。

愛與誠填詞既係邊個？又係我最敬佩既填詞之神，夕爺是也。

人係好有趣嘅，唔知點解每年臨近聖誕，就越介意自己身邊有無伴侶，越係覺得「街裡愛人一對對」呢件事係督眼督鼻，所以呢排特別多單身嘅朋友黎問感情。

Polly 今年三十出頭，佢黎到舖頭嘅時候，我都覺得有少少難以招架，因為佢不停講嘢。

「你好，今日我有咩幫到…」
「我呢，我有好多嘢想知，不過我今日想問咗感情先；我有幾多時間架？妳之後有無客？我可以講幾耐？我為咗節省時間呢，我有寫低嘅……」

Polly 講嘢都幾快幾大聲，我示意佢細聲少少時，「吓我正常音量黎架啦喎，同埋我覺得自己算係咁，我講嘢無懶音，嗰個叫咩話？字乜圓話？」

我無奈，Polly 幾乎完全唔比我說話嘅機會，我惟有默默咁答咗佢一句「字正腔圓」。

咁呢位字正腔圓嘅 Polly 姐，到底有咩感情問題呢？佢話，佢身邊有五個對象，五個都係同事；因為佢「明顯感受到對方對自己嘅好感」，唔知邊個先係真命天子……

「為咗方便妳理解呢，我將我同佢地五個人嘅人物關係寫咗列表出黎。」

Polly 入咗舖頭十分鐘，我都仲未有機會講一句完整嘅說話，而我望住面前兩張寫滿洋洋千字嘅 A4 紙，唔知點解有少少沮喪：你黎問牌就問牌啦，寫乜嘢列表呀？點解無啦啦要我睇字呀？我知咁多嘢托呀？直情問我 ABCDE 五個男仔邊個有發展機會咪得囉！

我忍住反白眼，比面 Polly 拎起兩張紙 Scan 咗兩眼，已經想倒抽一口涼氣！呢份列表寫咗五位男同事嘅「年紀」「星座」「職位」「部門」「估計月薪」「大學學位」，根本成份 CV 咁！然後 Polly 仲寫咗自己對每個人嘅「欣賞」「不滿」「有咩感覺」，真係去見工都無咁詳細，定 Polly 以為我係做姻緣一線牽呀？

我推開兩張紙，對唔住都要講句：我真係有少少唔耐煩，「其實直接開牌就得，我唔需要知道佢地嘅私人資料。」

見我唔係好欣賞佢嘅傑作，Polly 好直接咁望住我扁嘴……是但啦，我扮見唔到。快快手叫佢開五隻牌代表五位男士，原本我係想睇下佢地各自對 Polly 係咩感覺嘅，點知副牌開咗出黎，我打咗個突，因為五位人選入面，無一位係對 Polly 有好感！嚴格少少黎講，當中仲有兩位係討厭呀 Polly 姐添！點解會咁架？Polly 姐明明信心滿滿、誓神劈願咁認定自己裙下有五隻兵架喎！

喺我思考緊嘅時候，Polly 姐好緊張咁話，「邊個先係真命天子呀？」

呢個時候，我就當然忍唔住問佢，「其實你話人地對你明顯有好感，佢地係做過啲咩黎？」我以為以為人地係送過花呀、朱古力呀，或者狂短訊、約食晚飯咁樣，但係，原來真相係呢，呢幾位男同事呢，分別可能曾經幫 Polly姐推過門啦、換過水啦、朝早買過早餐（但其他同事都有）、有時行過 Polly姐個位會吹吓水⋯⋯

然後無啦。連曖昧嘅短訊都無呀。然後 Polly 姐見有男同事埋身，就覺得人地想追自己呀。

「神婆，咁我揀邊個好啫？」

我沒好氣，「即係咁，Polly 呀，其實五位男士都唔得，唔係話佢地個人唔得，係無發展機會嗰種唔得喎！人地對你友善，唔代表人地想追求妳架噃！其實⋯即係好似 A 君咁啦，佢真係當你同事架咋！」

「Oh. Oh really. 」Polly 呆一呆，係咁望住佢手上面張「五男列表」，開始自言自語：點解會咁嘅？明明佢地咁對我嘅？係咪開錯牌呀？

嗱，其實我由 Polly 坐低嗰吓開始，我都對佢印象麻麻架啦；而佢拎張列表出黎嗰下，我直情係心諗做乜勁？結果，佢問完第一條問題之後，發現自己食白果，佢就坐喺度自言自語，一路打量我，一路暗示佢想聽到啲佢想要嘅答案。

我就唔想評價 Polly 究竟個人係咪有問題，不過佢無啦啦扁嘴坐喺度唔走，又唔問問題，我就躁躁地啦，大佬我聖誕月份生意最旺，妳發花癲唔緊要，妳唔好阻住我做生意吖？

我最後忍唔住送客，Polly 不甘情願咁樣擺低錢，直至離開嗰吓，都仲「點解我無男朋友嘅」咁樣不斷碎碎唸緊。

今日嘅小小分享就到呢度為止，大家睇到呢度，又認為 Polly 嘅問題出喺邊度呢？

【塔羅牌個案分享】

「我想分手，佢話唔好，不如去開房；然後我覺得佢仲愛我」

個客認為喺放工時間嘅金鐘地鐵車廂入面睇英文書會增加異性緣

你話想生仔我咪唔避孕囉，我家下有咗你就叫我落？

有個客為咗受男人歡迎，走去養狐仙

著名大學 Year 1 學生問「我點先可以做到 Hall Queen」

而家電視劇入面，經常都會出現一個暖男既角色。
佢溫柔細心，笑容可掬，體貼入微，試問有邊個女仔唔鐘意俾一個暖男既溫暖所包圍。
所以好多男仔都希望自己可以成為暖男。

同時，因為好多男仔既想做暖男又怕被人當暖包，所以就會落入一個誤區。
覺得只有靚仔先做到暖男，唔靚仔就唯有被人當暖包。
呢個其實係錯誤既想法，冬天就黎到，等柳臣教你擺脫工具人既慘況，又暖包升LV做暖男！

首先，暖男係自體發暖，暖包係為人取暖。
女仔係情感好細膩既生物，對佢地黎講，佢地唔單只睇你做個件事（行為），而佢地更重視你做個件事背後既出發點（動機）。
大家都係做同一樣野，暖男之所以係暖男，而你只係暖包。係因為女仔睇到你行為背後既動機，亦即係你獻殷勤既意圖太明顯。
暖男都係做同一個行為，但係佢並唔係為咗個女仔而做。佢咁做，只係因為佢既個性係咁，溫柔細心體貼入微係佢既意圖，而唔係行為。
而暖包誤將意圖當成行動，邯鄲學步效果自然大打折扣。
記住，要做暖男就做一個真正既暖男，成為一個溫柔細心體貼入微既人。唔需要刻意淨係去向你鐘意既女仔獻殷勤，你係夠暖既女仔自然會痴埋黎，唔需要你主動哄過去。

當你抱住「我要去取悅佢」既心態去做暖男既時候，相對地對方就會覺得自己企咗係「你係黎取悅我既！我睇吓你取悅得我有幾好先！」
如果你講笑話之前話：「我而家要講一個笑話啦！」，大家都會好認真咁等你引佢笑。
如果你變魔術之前話：「我而家要變一個魔術啦！」，大家實金精火眼睇實你。
而家你主動哄過去做「暖男」，就好似打開口牌同個女仔講：「嗱！我而家要黎取悅你啦！」，成功既難度自然大大增加。

其次，暖男係如陽光伴我，暖包係燃燒自己。
太陽既溫暖係照向每一個人，暖男既好係對每個女仔都咁暖，甚至對所有人。
佢唔會執著於自己付出，對佢黎講，佢做既野只係舉手之勞，佢本來就會咁做，而唔係因為我鐘意你，我想得到你既愛先咁做。
咁係女仔既角度，呢種無償既舉動自然為佢加咗唔少分。
而暖包總會有用完既一日，俾你都唔會有太陽唔揀揀暖包咁蠢啦！

暖包最大既問題，係妄想用暖去換取對方既回報（重視／好感／愛）。當你先將呢件事睇成一場交易，咁對方都會好冷靜咁看待你既行為，係你令佢對你產生唔到好感，係你令自己成為一個暖包。
無論你付出幾多，對方都唔會將呢個視為你既優點。係因為你無形中不斷向佢索取回報，係一場交易入面，你好少會愛上你既買家，因為買賣雙方本身就處於對立層面。
每個人都想付出最少，得到最多。
所以一旦你既溫暖，係因為你喜歡佢先做既，而唔係令人覺得你本身就係一個溫暖既人，你就等於直接話俾佢聽，我而家俾一個暖包，去換你的愛。
咁買家自然會開始格價，想用最少既愛換取最多既暖包。
將自己放係一個咁既情況，想發展愛情自然變得事倍功半啦！

聖誕節就到，大家都會好好利用假期去同親人，情人或者朋友去渡過。問題就係咁出左黎，點先可以好好分配比以上三方呢…？ 平安夜得一日，同邊個過先係最好…？

我自己就有呢個大難題，朋友們只有平安夜可以約出黎聚會，而男朋又想平安夜見面（其實本身已經約左25號見面）。本來我就想世界和平地安排一人分享一日，朋友們就24號聚會；而男朋友就25號溫馨浪漫，咁就可以安全無事。但呢一刻男朋友就唔生性，學人發小朋友脾氣，強烈不滿。

到底聖誕節真係要點分配去見唔同既人呢？

好多時都會話「有異性無人性」，意指對有另一半既時候，人好易就忽略了朋友同屋企人。有拖拍當然係好事，但其實身邊既人同事都好重要。拍拖唔可以當飯食，拍拖時都要生活，番工，陪家人，陪朋友。要達到所有平衡，老實講，係非常難。

但作為另一半，應多多為對方而諗，要比足夠既空間對方，為對方處境而去遷就。有好多情侶就因為空間唔鬧交，分手。不論年紀大與小，都應該更成熟咁去為對方設想，唔好為爭寵令到對方失去見家人同朋友既權利。

「拜──Jessica跑咁快做咩呀？」May姐望住Jessica嘅背影，垂低揮到一半嘅手。

辦公室情報大使Mandy表情不懷好意，「佢約咗『另一半』呀嘛，次次都九秒九仆去㗎啦。」

Jessica捧住包裹，見路人好似凍結咗咁慢吞吞，就摩打腳頻頻爬頭。

「駛乜咁心急啫，咪要啲男人等下囉，應份嘅。」May姐紅眼喇，日復日、年復年嘅疲累，令佢雙眼充滿紅筋，令佢忘記咗嗰份衝勁。

佢同老公早喺廿幾年前──拍拖兩周年，已經好似老夫老婦咁相處喇。叫老公等？老公睬佢都傻啦，邊似得Jessica同男友拍咗拖成五年，仲咁Sweet呢。

「仲話約咗『另一半』在先，嚟唔到我哋嘅飯聚，真係廿四孝女友喎。」Mandy笑騎騎，但喺側邊一路冇出聲嘅Emily就暗地苦笑。

唉，早知都學Jessica推咗呢次應酬啦。Emily為免俾班同事話唔合群，先決定放棄一晚自由。

「咁都得？要個女朋友咁頻撲，你哋估Jessica男友會唔會好大男人呀拿？」May姐大擔推測，佢覺得每件違反「常理」嘅事情背後，都需要一個解釋，而冇幾多人會覺得「係愛呀哈利」呢個解釋夠晒充分。

「睇嚟都似喇。」寒冬下，Emily呵出一口白煙，眼前嘅景物一瞬間變得模糊。

聽講，唔想成為是非主角方法一：一齊講其他人是非。

Mandy左望右望確認安全後，終於忍唔住爆響口：「上星期，阿Roy見到Jessica同個女仔喺街邊拖到實，仲有Goodbye Hug添……」

就算Jessica嘅身影神早就被人潮淹沒咗，但佢嘅存在感依然好高。

May姐瞪大對眼，「吓？Jessica邊似Les呀？佢咁乖乖女。」

「咁Les都有好多種㗎嘛。」

Emily失笑，「阿Roy講嘢都好信？我夠撞過Jessica同個男仔睇戲啦。」

「哎？係咪幾有型靚仔嗰個呀？」閱人無數嘅May姐甚至未用腦，已經將成件事梳理好：「靚仔冇本心，Jessica肯定係為咗箍住個男仔，先咁肉緊。」

上一秒仲散播謠言嘅Mandy，即刻嚟個智者分析：「我都估係流料㗎喇。佢頭先咪拎住個包裹嘅，係限量版遊戲機喎，實係俾佢男友──」

May姐大奇：「都未到正日就送聖誕禮物喇？」

Mandy忟憎地將聲線吊高四度，「其實我都唔明啲男人點解咁鍾意打機，我條佬又係咁。」

沉默嘅Emily不幸被散打槍射中，但佢一諗到自己死慳死抵，上星期終於都買咗個35吋曲面防藍光電競Mon，不禁飄飄然。

之但係，佢先唔會為任何人辯護，僵化嘅思想點會因為佢講幾句說話而改變？

Emily佩服自己嘅冷靜同超脫，隨口話：「係喎，乜又聖誕喇？完全唔知送咩禮物好添。」

Mandy瞇起眼，咧起棚牙譏笑，「你有冇後知後覺啲呀？我哋公司啲聖誕廣告都Loop咗成個月喇啵。」

沿途各式店舖嘅門面，正好為遲鈍得冇諗過要買禮物嘅人，慷慨送上琳瑯滿目嘅「禮物建議」。呢種最後通牒實在偉大，成功爭取維護唔少段關係。

May姐同Mandy忽然變身禮物品評家，Emily揞口扮咳，掩飾一個唔得體嘅喊露，佢好掛住鮮有重覆嘅遊戲劇情。

「睇下！」呢個時候，Mandy猛然發現新大陸，指住十一點鐘嘅方向。

Jessica喺冇幾遠，佢身邊有個女仔，佢將包裹遞俾對方，見對方凍到震，仲將頸巾除埋俾人，之後佢哋兩個就拖住手繼續行。

「吓？原來係堅料呀！」Mandy好興奮，May姐則一臉茫然。

到達飯聚地點，點完餐，Emily聽到May姐同Mandy仲興致勃勃繼續話題。

「咁我明白晒喇，Jessica肯定係做『男』嗰個啦。」May姐咬牙切齒，終於搵到一個自己覺得合理嘅答案。

「咦？咁佢咪係『廿四孝男友』先真？」Mandy好滿意自己嘅幽默。

舊同事Joanna好有心，專登嚟聚舊，「點呀你哋？講緊咩咁開心呀？」

大家寒暄幾句，May姐就話：「我哋有個新同事，佢原來搞基㗎。」

「真係㗎？」離開公司半年嘅Joanna，都對全然陌生嘅「同事」好感興趣。

睇怕呢單「猛料」，會越傳越勁，最後傳返入Jessica對耳度，或者佢受唔住壓力，就會辭職。

Emily乜都冇講到，用理性過濾咗一切可能「禍從出口」嘅說話。

佢有換過彩虹頭像，但冇興趣抱不平。佢只係諗到，如果少咁個幫手，啲嘢就要自己做返晒喇。

熱盤陸續上枱，蒸氣將一切燻得朦朦朧朧，Emily副眼鏡直頭白濛濛一片。

聽講，唔想成為是非主角方法二：一切言論，不代表本人立場，或者直頭，冇任何立場。